Wedding Backdrop – 717 Wedding Company

今日極度充實，成日喺條街上走來走去。下晝去咗喺K11嘅Grand Hyatt食lunch buffet，食物幾好味，款式多過和好過沙田Hyatt!! 起碼啲魚生唔會有「筋」!!! 之後，我同Mr. Ha去咗親親傾吓個backdrop掂整。

本來以為御苑會自己包辦埋我地個backdrop，無諗過上次巡場時勞小姐會俾張coupon我地，等我地自己搵親親攪。其實咁樣安排都有好處，因為個standard backdrop design未必人人鍾意。御苑會包standard design（一個wedding logo或兩位新人英文名嘅藝術字），如果我地有任何其他要求，可以自行同親親傾，加錢改logo或一併要晒個wedding logo & 英文名藝術字放喺backdrop度都得。我覺得咁樣做幾好，直頭係「三贏做法」：(1) 御苑可以煩少一樣嘢，俾你地啲新人自己鍾意掂攪個backdrop都得；(2) 親親可以有生意做，因為啲人未必鍾意standard design，總會想加啲嘢令到自己個backdrop特別啲，同埋可能會想要返個backdrop嘅jpeg file，咁親親就可以有錢賺；(3) 新人如果唔搵venue decorator的話，只需加多唔係好多錢就可以有自己tailor-made嘅backdrop。諗到呢個做法嘅人真係有生意頭腦!!

原本無打算咁早去親親，因為勞小姐話可以等佢地御苑個場地新design整好後，睇埋個佈置colour tone點樣，才去親親整backdrop都未遲。可能御苑將我地嘅資料俾咗親親，所以佢地有人自己打電話約我地傾backdrop。既然打電話俾我地，咁趁有時間咪上去睇吓先囉!! 早啲做完多一個item都好嘅，太hea的話，遲啲就會趕到死死吓!!

上到去親親，由一位sales姐姐招呼我地。佢問咗我攞張coupon後，就喺電腦開咗個file，俾我地睇佢地幫我地design嘅3個logo款式。standard嘢就真係差啲，可能我地奄尖啦，嗰3個design都唔啱我地嘅心水。姐姐話standard款就只得呢3個，如果唔鍾意的話，可以俾$500買咗個design（仲可以攞埋個jpeg file），然後佢地會根據我地嘅preference改過個design。其實$500唔算多，因為其他venue decorator齋做logo都唔只呢個價。

問姐姐有無其他客人嘅design俾我地參考，佢都有俾啲我地睇，又俾啲font type我地揀。我覺得佢地間公司唔算大，所以reference比JNC、101 Forest就少啲囉!! 當然，呢個亦可能係姐姐嘅presentation skill問題。最後，佢俾咗一個有logo、英文名藝術字同埋一啲artwork嘅logo我地睇。嗱，呢個就接近我想要嘅嘢嘞!! 姐姐話做呢類logo都只係之前所講加$500，仲可以無限次改，$500唔算多，但可以令個logo靚啲就梗係值得啦!! 好快就俾咗錢，問姐姐幾時有design睇，佢話兩、三日後啦!! 我同佢講我唔鍾意潦草，佢話我地可以俾鍾意嘅font type俾佢地做design，當然要俾埋個font type嘅file啦!! 佢地會話俾我地知我地揀嘅font type用黎做個backdrop靚唔靚。Mr. Ha話佢有一本成吋厚有好多唔同font type嘅書，本書仲連埋隻CD有晒啲font type嘅file，我地可以返屋企揀啱後再email個file俾親親。哈哈，真係無諗過Mr. Ha連呢啲書都有!!